सल्यानको शारदा नगरपालिकामा रोकी राखेको टिपर गुड्दा एक मजदुरको घटनास्थलमै मृत्यु भएको छ । नगरपालिकाको कार्यालयनजिकै बा.३क. २३६५ नम्बर टिपर दुर्घटना हुँदा शारदा नगरपालिका– ८, मार्केकी ४५ वर्षीया रामकली बिकको मृत्यु भएको हो ।
मृतक बिक खलंगा–सुर्खेत सडकमा मजदुरको रूपमा काम गर्दै आएको जिल्ला प्रहरी कार्यालय सल्यानले जनाएको छ । दुर्घटनाबाट अन्य तीन जना घाइते भएका छन् । घाइते हुनेमा सन्तोषी सेवा निर्माणका कामदार ३५ वर्षका मोहिसन मुसिया, हरिशंकर भन्तु र शेषनाथ कुमाल रहेको जिल्ला प्रहरी कार्यालय सल्यानले जनाएको छ ।
घाइते तीनै जनाको सल्यान अस्पतालमा उपचार भइरहेको छ । मृतक बिकले पानी पिउन भनेर टिपरको झ्याल खोलेर पानी खोज्ने क्रममा ब्रेकमा हात जाँदा टिपर ब्याक भई सडकबाट तल खसेको जिल्ला प्रहरी कार्यालय सल्यानले जनाएको छ ।शिलापत्रबाट
प्रतिकृया दिनुहोस