काठमाडौं । पूर्वराजा ज्ञानेन्द्र शाहले आज आफ्नो ७६औँ जन्मदिन मनाइरहेका छन् । सोही अवसरमा सामाजिक सञ्जालमा उनका समर्थक तथा शुभेच्छुकहरूले शुभकामना दिइरहेका छन् ।राप्रपा नेपालका अध्यक्ष कमल थापाले पनि पूर्वराजा ज्ञानेन्द्रलाई जन्मोत्सवको शुभकामना दिएका छन् ।
लामो समय संवैधानिक राजतन्त्रको पक्षमा वकालत गरिरहेका थापा राप्रपा महाधिवेशनमा पूर्वराजपरिवारको असहयोगका कारण आफू पराजित भएको भन्दै सो मुद्दालाई नै छाडेका छन् ।
तर, आज उनले पूर्वराजालाई पुष्पगुच्छा दिँदै गरेको तस्बिर राखेर फेसबुकमार्फत शुभकामना दिएका छन् । जसमा उनले ‘राजा ज्ञानेन्द्र’ भनी सम्बोधन गरेका छन् ।उनले लेखेका छन्, ‘७६औँ शुभजन्मोत्सवको सुखद अवसरमा राजा ज्ञानेन्द्रमा सुस्वास्थ्य, सुख र शान्तिको हार्दिक मंगलमय शुभकामना ।’
प्रतिकृया दिनुहोस