गायक राजेश पायल राईको घरमा आगलागी भएको छ। सोमबार साँझ बानेश्वरस्थित उनको घरमा आगलागी भएको हो। आगलागीबाट कुनै मानवीय क्षति नभएको भएपनि उनका अवार्ड तथा प्रमाणपत्रहरू जलेर नष्ट भएको बताइएको छ। यतिबेला राई साङ्गीतिक कार्यक्रमका लागि जिल्ला बाहिर छन्।
गायक राईले फेसबुकमा स्टाटस लेख्दै घरमा आगलागी भएको जानकारी दिएका हुन्। साथै उनले दर्शन स्रोताको मायाले गर्दा घर जल्दा पनि आफूलाई पीडा नभएको प्रतिक्रिया दिएका छन्।
उनले फेसबुक स्टाट्समा लेखेका छन्, ‘म पिडा मा छैन किनकी तपाईहरुको आशिर्वाद र मायाको अगाडि यो पीडा,पीडा हैन। मेरो छिमेकीहरुले दर्शाउनु भएको सहयोग, नेपाल प्रहरी, दमकल परिवारप्रति, यहाँबाटै हार्दिक नमन, अवार्ड जले होलान् तर तपाईहरुले दिएको आशिर्वाद माया, सुझाव नजलोस्, म सदा तपाईहरुकै काखमा लुट्पुटिने मान्छे।’ आगलागीबाट भएको क्षतिको विवरण भने आइनसकेको बताइएको छ।
प्रतिकृया दिनुहोस