ओमकार टाइम्स
स्थानीय तहको चुनावमा सबैभन्दा चर्चामा रहेको भरतपुर महानगरपालिकामा सत्ता गठबन्धनले संयुक्त चुनावी सभा गर्ने भएको छ ।
सत्ता गठबन्धनले भरतपुरमा बैशाख २२ गते संयुक्त चुनावी सभा गर्ने भएको हो । उक्त चुनावी सभालाई प्रधानमन्त्री शेरबहादुर देउवासहित आधा दर्जन शिर्ष नेताले सम्बोधन गर्ने सत्ता गठबन्धनले जनाएको छ ।
सभालाई प्रधानमन्त्री देउवा, माओवादी केन्द्रका अध्यक्ष प्रचण्ड, एकीकृत समाजवादीका अध्यक्ष माधवकुमार नेपाल, कांग्रेसका वरिष्ठ नेता रामचन्द्र पौडेल, महामन्त्री गगन थापा, नेता शेखर कोइराला, जसपा र राष्ट्रिय जनर्मार्चाका नेताहरुले सम्बोधन गर्नेछन् ।
भरतपुरमा गठबन्धनले माओवादी केन्द्रका अध्यक्ष प्रचण्डकी छोरी रेणु दाहाललाई उम्मेदवार बनाएको छ । कांग्रेसकै बागी उम्मेदवार बनेपछि गठबन्धनले भरतपुरमा विशेष जोड दिएर संयुक्त चुनावी सभा गर्ने भएको हो ।
भरतपुर महानगरलाई सत्ता गठबन्धन र प्रतिपक्षी नेकपा एमालेले प्रतिष्ठाको विषय बनाएको छ । त्यहाँ एमाले अध्यक्ष केपी शर्मा ओलीले पनि केहीदिनमा सम्बोधन गर्ने कार्यक्रम रहेको छ ।
प्रतिकृया दिनुहोस