एजेन्सी – युरोकप छनोटमा नेदरल्यान्डले जर्मनीमाथि प्रभावशाली जित हात पारेको छ । शुक्रबार राति भएको खेलमा नेदरल्यान्डले जर्मनीमाथि ४–२ को प्रभावशाली र पुनरागमन जित निकालेको हो ।
ह्यामबर्गमा भएको खेलमा नेदरल्यान्डको जितमा फ्रान्की डि जङ, डोनेल मालेन र जर्जिन्हो विज्नल्डनले गोल गरे । एक गोल उपहार पाएको थियो । जर्मनीका सर्जि जिनाब्री र टोनी क्रुसले गोल गरे ।
नेदरल्यान्डले जर्मनीलाई उसकै मैदानमा १७ वर्षपछि पहिलोपटक हराएको हो । २००२ मा नेदरल्यान्डले ३–१ को जित निकालेको थियो । त्यसयता नेदरल्यान्डले जित निकाल्न सकेको थिएन ।
खेलको नवौं मिनेटमा सर्जि जिनाब्रीले लुकास क्लोसटर्मानको पासमा गोल गरेका थिए । पहिलो हाफमा १–० ले पछि परेको नेदरल्यान्डले दोस्रो हाफमा उत्कृष्ट प्रदर्शन गर्दै चार गोल गर्न सफल भएको थियो ।
५९औं मिनेटमा फ्रान्की डि जोङले रायन बाबेलको पासमा बराबरी गोल फर्काएपछि नेदरल्यान्ड खेलमा फर्किएको थियो । ६६औं मिनेटमा जोनाथन ताले आत्मघाती गोल गरेपछि नेदरल्यान्ड खेलमा २–१ ले अघि बढेको थियो । भर्जिल भान डाइकको पावरफुल हेडरमा मेम्फिस डिपेले गरेको क्रसमा जोनाथनले आफ्नै पोस्टमा गोल गर्न पुगेका थिए ।
७३औं मिनेटमा फ्रान्की डि जोङले फल गरेपछि प्राप्त पेनाल्टीमा टोली क्रुसले गोल गरेपछि खेल २–२ गोलको बराबरीमा पुगेको थियो ।
७९औं मिनेटमा यसै खेलबाट डच टोलीमा डेब्यु गरेका २० वर्षीय सुपर सव डोनेल मालेनले गोल गर्दै नेदरल्यान्डलाई पुन ३–२ को अग्रता दिलाए ।
५८औं मिनेटमा मार्टिन डि रुनको स्थानमा मैदान छिरेका विज्नल्डमको पासमा गोल गरेका थिए । इन्ज्युरी समयको थप गरिएको पहिलो मिनेटमा विज्नल्डमले गोल गर्दै जर्मनीलाई ४–२ को प्रभावशाली जित दिलाए ।
जितसँगै नेदरल्यान्डले समूह ‘सी’ मा ३ खेलबाट ६ अंक जोड्दै तेस्रो स्थानमा रहेर युरोकपमा छनोट हुने सम्भावना जीवितै राखेको छ । एक खेल बढी खेलको जर्मनी ९ अंक जोडेर दोस्रो तथा अपराजित नर्दन आयरल्यान्ड १२ अंक जोडेर शीर्षस्थानमा छ ।
प्रतिकृया दिनुहोस