रसुवा – पहिरोको कारण आइतबार बिहानदेखि अवरुद्ध भएको रसुवागढी नाका जोड्ने स्याफ्रु–रसुवागढी सडक खण्ड अझै खुल्न सकेको छैन । अविरल वर्षाका कारण जिल्लाको गोसाईंकुण्ड गाउँपालिका–२ को विभिन्न क्षेत्रमा पहिरो झरेको थियो ।
तातोपानी क्षेत्रमा पहिरो पन्छाउने काम आइतबार सकिएको भएपनि कुलुङ्गु खोलामा झरेको पहिरो हटाउन नसकिएको प्रमुख जिल्ला अधिकारी अर्जुन भण्डारीले बताउनुभयो । यस क्षेत्रमा ठूलो पहिरो गएको कारण आइतबारको प्रयास असफल भएको हो ।
सडक खुलाउनका लागि सोमबार बिहानैदेखि रसुवागढी र लाङटाङ खोला जलविद्युत् आयोजना तथा सडक डिभजनले काम सुरु गरेका छन् ।
प्रतिकृया दिनुहोस