काठमाडौं : देशको प्रशासनिक केन्द्र सिंहदरबार प्रवेशमा कडाइ गरिएको छ । काठमाडौं उपत्यकामा कोरोनाभाइरसको संक्रमणको जोखिम बढ्दै गएपछि सिंहदरबार प्रवेशमा कडाई गरिएको हो ।
बुधबारदेखि सिंहदबारमा अत्यावश्यक बाहेकका व्यक्तिको प्रवेशमा कडाई गरिएको सिंहदरबार गण प्रहरीले जनाएको छ । त्यसका लागि अस्थायी पास बन्द गरिएको प्रहरीको भनाइ छ ।
सिंहदरबार भित्र कार्यरत कर्मचारी, अत्यवाश्यक काम लिएर पुग्ने व्यक्ति, प्रेस पास लिएका पत्रकारलाई मात्रै प्रवेश दिइएको जनाइएको छ ।
भिडभाड कम गरी संक्रमणको जोखिम कम गर्नका लागि संसदीय समितिको बैठक पनि केही समय बोलाउने तयारी भएको स्रोतले जानकारी दिएको छ ।
काठमाडौँ उपत्यकामा मंगलबार मात्रै ६२ जनामा संक्रमण पुष्टि भएको थियो । संक्रमण बढ्दै जाँदा सरकारले फेरि लकडाउन गर्ने विकल्पमा छलफल गरिरहेको छ ।
प्रतिकृया दिनुहोस