कोरोना भाइरस (कोभिड–१९) को संक्रमणको आशंकामा अस्पताल आउनेहरुलाई छिटो सेवा दिनका लागि टेकुस्थित शुक्रराज ट्रपिकल तथा सरुवा रोग अस्पतालले थप स्वास्थ्यकर्मी माग गरेको छ ।
सम्भावित संक्रमितको परीक्षण तथा निगरानीको प्रमुख जिम्मेवारी पाएको अस्पतालले कोरोना भाइरस विरुद्धको अभियानका लागि तत्काल आवश्यक परेका थप जनशक्तिको पदपूर्ति करार सेवा मार्फत गर्ने तयारी गरेको हो ।
टेकु अस्पतालले तीन महिनाको करार अवधिका लागि कन्सलटेण्टसहित स्टाफ नर्ससम्मको आवेदन आह्वान गरेको छ । अस्पतालले आइतबार प्रकाशित गर्दै कन्सल्टेण्ट एनेस्थेसियोलोजिष्ट ६ जना, मेडिकल अधिकृत ८ जना, नर्सिङ्ग अधिकृत चारजना र स्टाफ नर्स २६ जनाका लागि आवेदन खुलाएको हो ।
योग्यता पुगेका उम्मेदवारले पाँच दिनभित्र टेकु अस्पतालमा आवेदन दिन सक्नेछन् ।
प्रतिकृया दिनुहोस