धरान / धरान ३ स्थित पुरानो बजारमा रहेको न्यु जयन्ती स्टोरका सञ्चालक यौवन खड्गी गायब भएपछि घर घेराउ गरिएको छ ।
धरान ३ मस्जिद नजिकै रहेको न्यु जयन्ती स्टोरका सञ्चालक योवन खड्गी १ महिना देखि बेपत्ता भएको र पसल पनि नखोलेकोले पसलमा सुन तथा पैसा धितो राखेकाहरूले आफू ठगिएको भन्दै खड्गीको घर केही दिन देखि घेराउ गर्दे आएका छन् ।
पीडितहरूका अनुसार १२ करोड लिएर न्यु जयन्ती स्टोरका सञ्चालक योवन खड्गी फरार भएको दाबी गरेका छन् ।
सर्वसाधारणहरुले १८ प्रतिशत ब्याज पाउने आशामा न्यु जयन्ती स्टोर सुन पसलमा पैसा राख्न दिएको बताएका छन् । तर सञ्चालक खड्गी करिब एक महिनादेखि गायब भएपछि पैसा जम्मा गरेका सर्वसाधारणहरुले उनको घर घेराउ गरेका हुन् ।
सर्वसाधारणहरुको करोडौं रुपेया डुब्ने जोखिम बढेपछि वडा कार्यालयमा समेत निवेदन परेको वडा नं ३ का सदस्य विकास वनेपालीले जानकारी दिए । खड्गीले आफ्नै घरमा सुन पसल चलाएका थिए ।
प्रतिकृया दिनुहोस