काठमाडौं । भारतमाथि ऐतिहासिक जित हात पार्दै नेपाल महिला साफ च्याम्पियनसिपको फाइनलमा पुगेको छ।
शुक्रबार त्रिपुरेश्वरस्थत दशरथ रंगशालामा भएको खेलमा नेपालले चिरप्रतिद्वन्द्वी भारतमाथि १-० को जित हात पारेको हो। महिला साफ च्याम्पियनसिपको इतिहासमा नेपालले भारतलाई हराएको यो नै पहिलो पटक हो। अब नेपालले उपाधिका लागि बंगलादेशसँग खेल्नेछ।
साविक उपविजेता समेत रहेको नेपाललाई जित दिलाउन रश्मी कुमारी घिसिङले निर्णायक गोल गरिन् ।प्रिती राईको पासमा पहिलो हाफको इन्जुरी समयमा रश्मीले निर्णायक गोल गरिन्।
नेपाल फाइनलमा पुगेको भने पाँचौं पटक हो। तर ४ पटक नै नेपाल फाइनलमा भारसँग पराजित भएको थियो।
प्रतिकृया दिनुहोस